تنزل عشان باباك يوصلك المدرسة كالعادة وبعدين تجيب معاك رخامة ف تقول لمامتك " انا اللي هقعد قدام النهاردة " ف تقولك " امشي من وشي يا فاطمة انا متعصبة" توصل المدرسة تشوف العميدة تجري عليها تسلم وتقولها " أأقولك نكته؟؟" فتقولك " امشي من وشي يا فاطمة انا متعصبة" تشوف مسيو امام اللي اصلا النحنه اتخلقت عشانه تروح تسلم عليه وتقوله " مسيو امام ازيك كده " ف هو كمان يقول "امشي من وشي يا فاطمة" بس بصيغة نحنوحة شوية عبارة عن " الحمدلله " ويسيبك ويمشي , فتروح للسما تقولها " ينفع كده ؟؟" ف تنصفك وتديلك حبة تلج تشيلهم في جيبك وتحوشهم للصيف الجاي .. حاجه كده من ريحة الشتا هو يعني بيجي كل يوم ^_^ فتلاقي كل الناس بتاعت " امشي من وشي يا فاطمة انا متعصب" بتضحك ورغم الشتي دفيانين وبعدين تطلب معاهم رخامة هما كمان وبما انك ارخم فتقولهم " امشوا من وشي كلكوا عايزة ابص للسما شوية " :)
ما هو لما الشمس هتيجي ومعاها حبة برد هتبقي كل حاجه كويسة :) :)
